جبتها على الجرح

بسم الله الرحمن الرحيم



جبتها على الجرح وكنك مادريـت
وأنت قاصد ماهي على النية صدفت

والدليـل انـك تبسمـت ومشيـت
وأنـا أناديلـك ولايمـي التـفـت

انصدمت بوقتهـا وكنـي انعميـت
وكل قطـرة دم بعروقـي انشفـت

وانهـدم قـدام عينـي مابنـيـت
والظنون الطيبـه بلحظـة اختفـت

من عرفتك وانت تجرح ماكتفيـت
دنيتي وهي دنيتـي منـي اكتفـت

اقوى صدماتي من ايدينك خذيـت
وهذي صدمة تو..جديـدة شرفـت

هذا حظي من على الدنيـا وعيـت
كل ماضوي شمعة في دربي انطفت

مع جميع النـاس ياربـي وفيـت
ليه بس اللي معي الدمعـة وفـت